ਇਸ ਵੈਬਸਾਇਟ ਦਾ ਵਧੇਰਾ ਲਾਭ ਲੈਣ ਲਈ ਇਥੇ ਅਕਾਊਂਟ ਜਰੂਰ ਬਣਾਵੋ | ਪ੍ਰਤਿਬਿੰਬ ਈ-ਪਤ੍ਰਿਕਾ ਡਾਉਣਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ | ਤੁਸੀਂ ਆਪਣੇ ਵਿਚਾਰ ਜਾਂ ਰਚਨਾਵਾਂ ਸਾਨੂੰ ਸਾਡੀ ਈ-ਮੇਲ scapepunjab@gmail.com ਤੇ ਭੇਜ ਸਕਦੇ ਹੋ

ਬਾਰੀ ਬਰਸੀ ਖੱਟਣ ਗਿਆ ਸੀ -ਬੋਲੀਆਂ

ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਦਾ ਪੀਪਾ
ਛੱਡ ਕੇ ਸਾਥ ਤੇਰਾ
ਧਾਹਾਂ ਮਾਰੇ ਯਾਰ ਦਲੀਪਾ ।

ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਦੇ ਪਾਵੇ
ਦਿਲ ਵਿੱਚ ਤੂੰ ਬਹਿ ਗਿਆ
ਜਿੰਦ ਮਾਹੀ-ਮਾਹੀ ਗਾਵੇ ।

ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਦੀ ਲੋਈ
ਕਰਕੇ ਯਾਦ ਤੈਨੂੰ
ਅੱਖ ਸੁਰਮੇ ਵਾਲੀ ਰੋਈ ।

ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਦੀਆਂ ਵੰਗਾਂ
ਤੂੰ ਮੇਰਾ ਦਿਲ ਲੁੱਟਿਆ
ਤੈਨੂੰ ਦੱਸਦੀ ਸੋਹਣਿਆ ਸੰਗਾਂ ।

ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਦੀ ਚਾਂਦੀ
ਅੱਖ ਤੇਰੀ ਬਦਲ ਗਈ
ਅਸੀਂ ਤੋਰ ਪਛਾਣੀ ਜਾਂਦੀ ।

ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਦਾ ਤਾਰਾ
ਯਾਰ ਪਰਦੇਸੀ ਹੋ ਗਿਆ
ਨੈਣੀਂ ਤਰਦਾ ਅੱਥਰੂ ਖਾਰਾ ।

ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਦਾ ਮਾਹੀ
ਤੇਰੇ ਬਿਨ ਨਹੀਂ ਬੱਚਣਾ
ਤੂੰ ਵੱਸਦਾ ਸੋਹਣਿਆ ਸਾਹੀਂ ।

ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਦੀ ਗਾਨੀ
ਹਿੱਕ ਉਤੇ ਡੰਗ ਮਾਰਦੀ
ਮੈਨੂੰ ਦੇ ਗਿਆ ਯਾਰ ਨਿਸ਼ਾਨੀ ।

ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਦੀ ਦਾਤੀ
ਮੁਡਿਆ ਹਾਣ ਦਿਆ
ਮੇਰੇ ਮਾਰ ਹੁਸਨ ਵੱਲ ਝਾਤੀ ।

ਲੇਖਕ : ਐੱਸ. ਸੁਰਿੰਦਰ ਹੋਰ ਲਿਖਤ (ਇਸ ਸਾਇਟ 'ਤੇ): 30
ਲੇਖ ਦੀ ਲੋਕਪ੍ਰਿਅਤਾ ਰਚਨਾ ਵੇਖੀ ਗਈ :2564
ਲੇਖਕ ਬਾਰੇ
ਆਪ ਜੀ ਪ੍ਰਵਾਸੀ ਕਵੀ ਹਨ। ਹੁਣ ਤੱਕ ਆਪ ਜੀ ਨੇ ਪੰਜਾਬੀ ਕਵਿਤਾ ਵਿੱਚ ਮਾਹਿਏ ਕਾਵਿ ਰੂਪ ਨੂੰ ਵਿਧੇਰੇ ਸਿਰਜਿਆ ਹੈ।

ਵਿਸ਼ੇ ਨਾਲ ਸਬੰਧਿਤ ਖੋਜ

*ਜਰੂਰੀ: ਸਮਗਰੀ ਪੰਜਾਬੀ ਯੂਨੀਕੋਡ ਵਿੱਚ ਹੀ ਟਾਈਪ ਕਰੋ।

ਪ੍ਰਤਿਬਿੰਬ ਈ-ਪਤ੍ਰਿਕਾ ਨਵੰਬਰ ਅੰਕ

ਵਿਸ਼ਵ ਪੰਜਾਬੀ ਕਾਨਫ਼ਰੰਸ 2017