ਇਸ ਵੈਬਸਾਇਟ ਦਾ ਵਧੇਰਾ ਲਾਭ ਲੈਣ ਲਈ ਇਥੇ ਅਕਾਊਂਟ ਜਰੂਰ ਬਣਾਵੋ | ਪ੍ਰਤਿਬਿੰਬ ਈ-ਪਤ੍ਰਿਕਾ ਡਾਉਣਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ | ਤੁਸੀਂ ਆਪਣੇ ਵਿਚਾਰ ਜਾਂ ਰਚਨਾਵਾਂ ਸਾਨੂੰ ਸਾਡੀ ਈ-ਮੇਲ scapepunjab@gmail.com ਤੇ ਭੇਜ ਸਕਦੇ ਹੋ

15 ਅਗਸਤ

15 ਅਗਸਤ ਦੇ ਜਸ਼ਨ ਮਨਾਓ
ਨਵੇਂ ਨਰੋਏ ਖਾਬ ਸਜਾਓ

ਸਰਕਾਰਾਂ ਨੇ ਕੁਝ ਨਹੀ ਕਰਨਾ
ਰਲ ਮਿਲ ਸਾਰੇ ਹੱਥ ਵਧਾਓ

ਦੇਸ ਹੈ ਜਿਸਦੇ ਸਿਰ ਤੇ ਚਲਦਾ
ਕਿਰਤੀ ਵਰਗ ਨੂੰ ਨਾਲ ਰਲਾਓ.

ਬਾਲ ਮਜਦੂਰੀ ਅੱਜ ਵੀ ਹੁੰਦੀ
ਨੱਨੀ ਜਿੰਦ ਤੇ ਤਰਸ ਤਾਂ ਖਾਓ

ਔਰਤ ਘੁਟਦੀ ਪਿਸਦੀ ਅੱਜ ਵੀ
ਮਰਦ ਬਰਾਬਰ ਹੱਕ ਦਿਵਾਓ

ਕੁਲੀਆਂ ਦੇ ਵਿੱਚ ਕਲਪਣ ਜਿੰਦਾਂ
ਕੁਝ ਤਾਂ ਮਿਤਰੋ ਦਰਦ ਵੰਡਾਓ

ਨਸੇ ਨੇ ਮੁਲਖ ਨੂੰ ਥੋਥਾ ਕਰਿਆ
ਕਰੋ ਜਤਨ ਕੁਝ ਨਸੇ ਛਡਾਓ

ਰਾਜਨਿਤੀ ਲੈ ਡੁਬੀ ਮੁਲਖ ਨੂੰ
ਲੀਡਰਾਂ ਕੋਲੋਂ ਦੇਸ਼ ਬਚਾਓ

ਅੰਧਕਾਰ ਵਿਚ ਜਿਉਦੀ ਦੁਨੀਆਂ
ਸੱਚ ਦੇ ਮਿਤਰੋ ਦੀਪ ਜਗਾਓ

ਜਾਤ ਧਰਮ ਅਨਪੜਤਾ ਕੋਰੀ
ਹੁਣ ਤਾਂ ਮਿਤਰੋ ਫਰਕ ਮਿਟਾਓ

ਡੇਰੇ ਤਾਂਤਰਿਕ ਫਰੇਵੀ ਬਾਬੇ
ਕੋਹੜ ਸਮਾਜ ਤੋਂ ਬਾਹਰ ਭਜਾਓ

ਹਰਿਆ ਭਰਿਆ ਦੇਸ ਜੇ ਚਾਵੋਂ
ਹਰ ਵਿਹੜੇ ਵਿਚ ਰੁਖ ਲਗਾਓ

ਕੂੜ ਪਸਾਰਾ ਚੱਕ ਕੇ ਬਿੰਦਰਾ
ਆਜਾਦੀ ਦੇ ਸੋਹਲੇ ਗਾਓ

ਲੇਖਕ : ਬਿੰਦਰ ਜਾਨ ਹੋਰ ਲਿਖਤ (ਇਸ ਸਾਇਟ 'ਤੇ): 49
ਲੇਖ ਦੀ ਲੋਕਪ੍ਰਿਅਤਾ ਰਚਨਾ ਵੇਖੀ ਗਈ :1426
ਲੇਖਕ ਬਾਰੇ
ਆਪ ਜੀ ਵਿਦੇਸ਼ ਵਿੱਚ ਰਹਿਕੇ ਵੀ ਪੰਜਾਬੀ ਸਾਹਿਤ ਨਾਲ ਜੁੜੇ ਹੋੲੇ ਹੋ। ਆਪ ਜੀ ਕਾਵਿ ਸੰਗ੍ਰਹਿ 'ਬੇਜ਼ਾਨ ਦਿਲ ਦੀ ਅਵਾਜ਼' ਲੋਕ ਅਰਪਣ ਕਰ ਚੁੱਕੇ ਹੋ।

ਵਿਸ਼ੇ ਨਾਲ ਸਬੰਧਿਤ ਖੋਜ

*ਜਰੂਰੀ: ਸਮਗਰੀ ਪੰਜਾਬੀ ਯੂਨੀਕੋਡ ਵਿੱਚ ਹੀ ਟਾਈਪ ਕਰੋ।

ਪ੍ਰਤਿਬਿੰਬ ਈ-ਪਤ੍ਰਿਕਾ ਨਵੰਬਰ ਅੰਕ

ਵਿਸ਼ਵ ਪੰਜਾਬੀ ਕਾਨਫ਼ਰੰਸ 2017