ਇਸ ਵੈਬਸਾਇਟ ਦਾ ਵਧੇਰਾ ਲਾਭ ਲੈਣ ਲਈ ਇਥੇ ਅਕਾਊਂਟ ਜਰੂਰ ਬਣਾਵੋ | ਪ੍ਰਤਿਬਿੰਬ ਈ-ਪਤ੍ਰਿਕਾ ਡਾਉਣਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ | ਤੁਸੀਂ ਆਪਣੇ ਵਿਚਾਰ ਜਾਂ ਰਚਨਾਵਾਂ ਸਾਨੂੰ ਸਾਡੀ ਈ-ਮੇਲ scapepunjab@gmail.com ਤੇ ਭੇਜ ਸਕਦੇ ਹੋ

ਸੁੰਡ ਬਿਨਾ ਹਾਥੀ ! (ਨਿੱਕੀ ਕਹਾਣੀ)

ਲੈ ਲੋ ਜੀ ਹਾਥੀ ! ਮੁੱਲ ਸਿਰਫ ਵੀਹ ਹਜ਼ਾਰ ਰੁਪਏ ! (ਹਾਥਿਆਂ ਦੇ ਮੇਲੇ ਵਿੱਚ ਇਹ ਕੀਮਤ ਸੁਣ ਕੇ ਹਰਪਾਲ ਸਿੰਘ ਹੈਰਾਨ ਹੋ ਕੇ ਰੁੱਕ ਗਿਆ)

ਹੈਂ ? ਸਿਰਫ ਵੀਹ ਹਜ਼ਾਰ ਵਿੱਚ ਹਾਥੀ ? ਬੀਮਾਰ-ਸ਼ਿਮਾਰ ਹੈ ਕੀ ? (ਹਰਪਾਲ ਸਿੰਘ ਨੇ ਪੁਛਿਆ)

ਸੌਦਾਗਰ ਗੁਣਹੀਣ ਸਿੰਘ : ਹੱਟਾ-ਕੱਟਾ ਹਾਥੀ ਹੈ ਜੀ ! ਕੋਈ ਬਿਮਾਰੀ ਨਹੀ ! ਸਿਰਫ ਇਸਦੀ ਸੁੰਡ ਨਹੀ ਹੈ, ਬਾਕੀ ਹਰ ਪੱਖ ਤੋਂ ਇਹ ਬਹੁਤ ਹੀ ਉੱਤਮ ਕਿਸਮ ਦਾ ਹਾਥੀ ਹੈ !

ਹਰਪਾਲ ਸਿੰਘ (ਹਸਦੇ ਹੋਏ) : ਫਿਰ ਤਾਂ ਵੀਹ ਹਜ਼ਾਰ ਦਾ ਵੀ ਮਹਿੰਗਾ ਹੈ ! ਇਹ ਭਾਵੇਂ ਦੂਰੋਂ-ਨੇੜਿਓ ਦਿਸਣ ਵਿੱਚ ਹਾਥੀ ਹੀ ਹੈ ਪਰ ਬਿਨਾ ਸੁੰਡ ਦੇ ਇਸਦਾ ਕੋਈ ਵੀ ਮੁੱਲ ਨਹੀ ਪੈ ਸਕਦਾ !

ਗੁਣਹੀਣ ਸਿੰਘ : ਜੇਕਰ ਸੁੰਡ ਹੁੰਦੀ ਤਾਂ ਫਿਰ ਲਖਾਂ ਦਾ ਮੁੱਲ ਪੈਂਦਾ ਇਸ ਸ਼ਾਨਦਾਰ ਹਾਥੀ ਦਾ ! ਸੁੰਡ ਨਹੀ ਹੈ ਇਸੀ ਕਰਕੇ ਮੁੱਲ ਵੀਹ ਹਜ਼ਾਰ ਰਖਿਆ ਹੈ !

ਹਰਪਾਲ ਸਿੰਘ : ਹਾਥੀ ਦਾ ਸ਼ਰੀਰ ਵੱਡਾ ਹੁੰਦੇ ਹੋਏ ਵੀ ਬਿਨਾ ਸੁੰਡ ਦੇ ਉਸਦੀ ਕੀਮਤ ਨਹੀ ਪੈ ਸਕਦੀ ! ਉਸਦੀ ਤਾਕਤ ਅੱਤੇ ਗੁਣਾਂ ਦੀ ਪਛਾਣ ਹੀ ਸੁੰਡ ਤੋ ਹੋ ਸਕਦੀ ਹੈ ! ਸੁੰਡ ਤੋਂ ਬਿਨਾ ਹਾਥੀ ਦੀ ਕੋਈ ਪਛਾਣ ਅੱਤੇ ਮੁੱਲ ਨਹੀ !

ਦੋਹਾਂ ਦੀ ਗੱਲ-ਬਾਤ ਸੁਣਦੇ ਹੋਏ ਨਾਲ ਹੀ ਖੜਾ ਹਰਪਾਲ ਸਿੰਘ ਦਾ ਮਿੱਤਰ ਸਹਿਜਸੁਭਾ ਸਿੰਘ ਵਖਰੀ ਹੀ ਦੁਨੀਆਂ ਵਿੱਚ ਪੁੱਜ ਗਿਆ ਸੀ...."ਸਿਖ ਪੰਥ ਦਾ ਇੱਕ ਵੱਡਾ ਹਿੱਸਾ ਅੱਜ ਬਿਨਾ ਸੁੰਡ ਦਾ ਹਾਥੀ ਬਣ ਕੇ ਰਹ ਗਿਆ ਹੈ ਜੋ ਬਾਹਰੋਂ ਦਿਸਣ ਵਿੱਚ ਤਾਂ ਬਹੁਤ ਵੱਡਾ ਅੱਤੇ ਉੱਤਮ ਪ੍ਰਤੀਤ ਹੁੰਦਾ ਹੈ ਪਰ ਉਸਦੀ ਤਾਕਤ ਉਸਦੀ ਸੁੰਡ (ਉਸਦੀ ਗੁਰਮਤ) ਉਸ ਕੋਲੋਂ ਖੁੱਸ ਚੁੱਕੀ ਹੈ ! ਇਸ ਕਰਕੇ ਦੁਨੀਆਂ ਵਿੱਚ ਉਸਦਾ ਮੁੱਲ (ਚੜ੍ਹਦੀ ਕਲਾ ਨਹੀਂ ਹੋ ਰਹੀ) ਨਹੀ ਪੈ ਰਿਹਾ ! ਇੱਕ ਗ੍ਰੰਥ ਦੇ ਸਿਧਾਂਤ ਨਾਲੋਂ ਟੁੱਟ ਕੇ ਓਹ ਭਰਾ ਮਾਰੂ ਜੰਗ ਵਿੱਚ ਆਪਣੀ ਸੁੰਡ (ਆਤਮਿਕ ਤਾਕਤ) ਗੁਆ ਚੁੱਕਾ ਹੈ ! ਧਰਮ ਅਸਥਾਨਾਂ ਤੇ ਡਿਕਟੇਟਰ ਵਾਂਗ ਕਾਬਿਜ਼ ਹੋਏ ਜਿਆਦਾਤਰ ਪ੍ਰਧਾਨ-ਸੱਕਤਰ ਗੁਰਮਤ ਦੀ ਜੜਾਂ ਵਿੱਚ ਤੇਲ ਪਾ ਕੇ ਮਨਮਤ ਦੇ ਦੀਵੇ ਜਗਾ ਰਹੇ ਹਨ ! "ਅਕਲੀ ਸਾਹਿਬੁ ਸੇਵੀਐ" ਤੋਂ ਉਲਟ ਅੰਨੀ ਸ਼ਰਧਾ ਅੱਤੇ ਪੁਰਾਤਨ ਮਰਿਆਦਾ ਦੇ ਨਾਮ ਤੇ ਸੰਗਤਾਂ ਨੂੰ ਮਨਮਤਾਂ ਦੇ ਹਾਥੀ ਦੀ ਤਾਰੀਫਾਂ ਨਾਲ ਭਰਮਾਇਆ ਜਾ ਰਿਹਾ ਹੈ !

ਚਲ ਯਾਰ ! ਇਸ ਵਾਰ ਆਪਣੇ ਕੰਮ ਦਾ ਹਾਥੀ ਨਹੀ ਮਿਲਿਆ, ਅਗਲੀ ਵਾਰੀ ਵੇਖਾਂਗੇ ! (ਹਰਪਾਲ ਸਿੰਘ ਨੇ ਵਿਚਾਰਾਂ ਵਿੱਚ ਗੁੰਮ ਸਹਿਜਸੁਭਾ ਸਿੰਘ ਦਾ ਹੱਥ ਫੜ ਕੇ ਖਿਚਿਆ ਤਾਂ ਉਸਦਾ ਸੁਪਨਾ ਜਿਹਾ ਟੁੱਟ ਗਿਆ )

ਅਜੇ ਦੇਰ ਨਹੀਂ ਹੋਈ ! "ਇਕਾ ਬਾਣੀ ਇਕੁ ਗੁਰੁ ਇਕੋ ਸ਼ਬਦੁ ਵੀਚਾਰਿ" ਦੇ ਆਪ੍ਰੇਸ਼ਨ ਨਾਲ ਟੁੱਟ ਚੁੱਕੀ ਸੁੰਡ (ਗੁਰਮਤ, ਆਪਸੀ ਪਿਆਰ ਅੱਤੇ ਏਕਾ) ਵਾਪਿਸ ਜੋੜੀ ਜਾ ਸਕਦੀ ਹੈ ! (ਸਹਿਜਸੁਭਾ ਸਿੰਘ ਦੇ ਮੂੰਹੋਂ ਸਹਿਜੇ ਹੀ ਨਿਕਲਿਆ)

ਲੇਖਕ : ਬਲਵਿੰਦਰ ਸਿੰਘ ਬਾਈਸਨ ਹੋਰ ਲਿਖਤ (ਇਸ ਸਾਇਟ 'ਤੇ): 49
ਲੇਖ ਦੀ ਲੋਕਪ੍ਰਿਅਤਾ ਰਚਨਾ ਵੇਖੀ ਗਈ :1096
ਲੇਖਕ ਬਾਰੇ
ਲੇਖਕ ਜੀ ਕਹਿੰਦੇ ਨੇ ਕਲਮ ਦੀ ਜੰਗ ਜਾਰੀ ਹੈ ! ਲਿਖਣ ਵੇਲੇ ਕੋਸ਼ਿਸ਼ ਇਹ ਹੀ ਹੁੰਦੀ ਹੈ ਕਿ ਕਿਸੀ ਵੀ ਧੜੇ-ਬਾਜੀ ਤੋਂ ਉਪਰ ਉਠ ਕੇ ਲਿਖਿਆ ਜਾਵੇ ! ਇਸ ਉਦੇਸ਼ ਵਿਚ ਕਿਤਨੀ ਕੁ ਕਾਮਿਆਬੀ ਮਿਲਦੀ ਹੈ ਇਹ ਤੇ ਰੱਬ ਹੀ ਜਾਣੇ , ਇਨਸਾਨ ਭੁੱਲਣਹਾਰ ਹੀ ਹੈ !

ਵਿਸ਼ੇ ਨਾਲ ਸਬੰਧਿਤ ਖੋਜ

*ਜਰੂਰੀ: ਸਮਗਰੀ ਪੰਜਾਬੀ ਯੂਨੀਕੋਡ ਵਿੱਚ ਹੀ ਟਾਈਪ ਕਰੋ।

ਪ੍ਰਤਿਬਿੰਬ ਈ-ਪਤ੍ਰਿਕਾ ਨਵੰਬਰ ਅੰਕ

ਵਿਸ਼ਵ ਪੰਜਾਬੀ ਕਾਨਫ਼ਰੰਸ 2017