ਇਸ ਵੈਬਸਾਇਟ ਦਾ ਵਧੇਰਾ ਲਾਭ ਲੈਣ ਲਈ ਇਥੇ ਅਕਾਊਂਟ ਜਰੂਰ ਬਣਾਵੋ | ਪ੍ਰਤਿਬਿੰਬ ਈ-ਪਤ੍ਰਿਕਾ ਡਾਉਣਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ | ਤੁਸੀਂ ਆਪਣੇ ਵਿਚਾਰ ਜਾਂ ਰਚਨਾਵਾਂ ਸਾਨੂੰ ਸਾਡੀ ਈ-ਮੇਲ scapepunjab@gmail.com ਤੇ ਭੇਜ ਸਕਦੇ ਹੋ

'ਪੱਥਰ-ਯੁੱਗ'

ਮੁਬਾਰਕਾਂ ਜੀ !
ਸੁਣਿਐ ਬੜੀ ਤਰੱਕੀ ਕਰ ਲਈ ਐ
ਆਧੁਨਿਕ ਮਨੁੱਖ ਨੇ ,
ਆਧੁਨਿਕ ਸਮਾਜ ਨੇ ,
ਆਧੁਨਿਕ ਸੰਸਕ੍ਰਿਤੀ ਨੇ ,
ਹਾਂ ਜੀ , 'ਪਰਮਾਣੂ ਬੰਬ'
ਜੂ ਬਣਾ ਲਿਆ, 
ਮੀਲਾਂ ਪਾਰ ਬੈਠੀ
ਕਿਸੇ ਵੀ ਸੱਭਿਅਤਾ ਨੂੰ
ਗਰਕ ਕਰਨ ਦਾ
ਅਨੋਖਾ ਸਾਧਨ।
ਕਾਸ਼ ! ਬਣਾਇਆ ਹੁੰਦਾ ਕਿਸੇ
ਮੀਲਾਂ ਪਾਰ ਵਿਲਕਦੇ
ਭੁੱਖੇ ਢਿੱਡਾਂ ਨੂੰ ਭਰਨ ਦਾ ਸਾਧਨ,
ਰੋਂਦੀਆਂ ਅੱਖਾਂ ਦੇ ਹੰਝੂ
ਪੂੰਝਣ ਦਾ ਸਾਧਨ,
ਜਾਂ ਨੰਗ-ਧੜੰਗੇ ਤਨ
ਕੱਜਣ ਦਾ ਸਾਧਨ।
ਪਰ, ਨਹੀਂ ਜੀ,
ਅਸੀਂ ਤਾਂ ਕੋਲ ਬੈਠੇ
ਮਨੁੱਖ, 
ਆਪਣੇ ਭੈਣ-ਭਰਾ,
ਆਪਣੇ ਸਾਕ ਸਬੰਧੀ,
ਆਪਣੇ ਸਮਾਜ,
ਆਪਣੇ ਰਾਸ਼ਟਰ ਨੂੰ ਹੀ
ਖਾ ਰਹੇ ਹਾਂ
ਘੁਣ ਵਾਂਗ, 
ਘਿਣਾਉਣੀ ਸੋਚ ਨਾਲ,
ਮਾਰੂ ਹਥਿਆਰਾਂ ਨਾਲ।
ਕਾਸ਼ ! ਦੋ ਲੱਖ ਸਾਲ 
ਪਹਿਲਾਂ ਵਾਲਾ ਮਾਨਵ
ਮੁੜ ਆਵੇ ਲੈਕੇ ਆਪਣਾ
ਭੋਲਾਪਣ ਅਤੇ ਮਾਸੂਮੀਅਤ,
ਜਿਸਨੂੰ ਸੁਧ ਸੀ ਸਿਰਫ
ਭੁੱਖਾ ਢਿੱਡ ਭਰਨ ਦੀ।
ਹਾਂ, ਚੰਗਾ ਸੀ ਉਹ
ਦੋ ਲੱਖ ਸਾਲ ਪੁਰਾਣਾ
ਪੁਰਾਤਨ ਯੁੱਗ,
ਜਿੱਥੇ ਮਨੁੱਖ ਸਹੀ ਅਰਥਾਂ 'ਚ
ਮਨੁੱਖ ਸੀ।
ਭਾਂਵੇ ਉਹ ਯੁੱਗ 'ਪੱਥਰ-ਯੁੱਗ' ਸੀ,
ਪਰ, ਆਧੁਨਿਕ ਯੁੱਗ ਸਿਰਫ
ਆਧੁਨਿਕ ਮਨੁੱਖੀ ਸਰੀਰਾਂ ਦੇ
ਖੋਲ ਹੇਠ ਲੁਕੇ
ਪੱਥਰ ਦਿਲਾਂ ਨਾਲ ਭਰਿਆ ਪਿਆ।
ਭਾਂਵੇ ਇਹ ਯੁੱਗ ਕਹਿਣ ਨੂੰ
ਬੜਾ 'ਆਧੁਨਿਕ-ਯੁੱਗ' ਹੈ
ਪਰ, ਅਸਲ ਵਿੱਚ ਇਹੀ ਹੈ
'ਪੱਥਰ-ਯੁੱਗ'।
 

ਲੇਖਕ : ਅੰਜੂ ਵ ਰੱਤੀ ਕਸਕ ਹੋਰ ਲਿਖਤ (ਇਸ ਸਾਇਟ 'ਤੇ): 2
ਲੇਖ ਦੀ ਲੋਕਪ੍ਰਿਅਤਾ ਰਚਨਾ ਵੇਖੀ ਗਈ :333

ਵਿਸ਼ੇ ਨਾਲ ਸਬੰਧਿਤ ਖੋਜ

*ਜਰੂਰੀ: ਸਮਗਰੀ ਪੰਜਾਬੀ ਯੂਨੀਕੋਡ ਵਿੱਚ ਹੀ ਟਾਈਪ ਕਰੋ।

ਸਕੇਪ ਪ੍ਰਕਾਸ਼ਿਤ ਪੁਸਤਕਾਂ

ਪ੍ਰਤਿਬਿੰਬ ਈ-ਪਤ੍ਰਿਕਾ ਨਵੰਬਰ ਅੰਕ