ਇਸ ਵੈਬਸਾਇਟ ਦਾ ਵਧੇਰਾ ਲਾਭ ਲੈਣ ਲਈ ਇਥੇ ਅਕਾਊਂਟ ਜਰੂਰ ਬਣਾਵੋ | ਪ੍ਰਤਿਬਿੰਬ ਈ-ਪਤ੍ਰਿਕਾ ਡਾਉਣਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ | ਤੁਸੀਂ ਆਪਣੇ ਵਿਚਾਰ ਜਾਂ ਰਚਨਾਵਾਂ ਸਾਨੂੰ ਸਾਡੀ ਈ-ਮੇਲ scapepunjab@gmail.com ਤੇ ਭੇਜ ਸਕਦੇ ਹੋ

ਸਿਖ਼ਰ ਦੁਪਹਿਰੇ-ਨਜ਼ਮ 

ਸਿਖ਼ਰ ਦੁਪਹਿਰੇ

ਡਾਕੇ ਵੱਜੇ

ਖੌਰੂ ਪਾਇਆ ਉਹਨਾਂ 

ਗਲ਼ੀਆਂ ਦੇ ਵਿੱਚ ਦਿਓ ਫਿਰਦੇ ਨੇ 

ਆਪਾਂ ਵੜ ਗਏ ਅੰਦਰੇ 

 

ਚੁੱਪ ਚੁਪੀਤੇ 

ਦੁੱਖੜੇ ਰੋਏ 

ਮੂੰਹੋਂ ਉਫ਼ ਨਾ ਨਿਕਲੀ

ਖ਼ੁਦ ਦੀ ਜਾਨ ਬਚਾਵਣ 

ਖ਼ਾਤਰ ਮੂੰਹ ਨੂੰ ਲਾ ਲਏ ਜਿੰਦਰੇ

 

ਸਬਕ ਪੜ੍ਹੇ ਸਨ 

ਹਿੰਮਤ ਵਾਲੇ 

ਭੀੜ ਪਈ ਤੇ ਭੁੱਲੇ

ਇਮਤਿਹਾਨ ਦਾ ਵੇਲਾ ਆਇਆ 

ਲੁਕ ਗਏ ਕਿਹੜੀ ਕੰਦਰੇ

 

ਚੀਜ਼ਾਂ ਵਸਤਾਂ 

ਦੇ ਨਾਲ ਪਰਚੇ 

ਮਨ ਖਾਲੀ ਘਰ ਭਰਿਆ

ਅੱਖਾਂ ਵਿਚੋਂ ਨੀਂਦਰ ਮਰ ਗਈ 

ਸੁਪਨੇ ਰੁੱਸ ਗਏ ਚੰਦਰੇ

 

ਆਪਣੇ ਕੋਲ 

ਇੱਕ ਚਾਅ ਸੀ ਜੀਉਣ ਦਾ 

ਉਹ ਵੀ ਅਸੀਂ ਗੁਆ ਬੈਠੇ ਹਾਂ

ਲਾਸ਼ਾਂ ਤੁਰੀਆਂ ਫਿਰਦੀਆਂ ਨੇ

ਜਿਸਮ ਤਾਬੂਤ ਦੇ ਅੰਦਰੇ

ਲੇਖਕ : ਹਰਮੀਤ ਵਿਦਿਆਰਥੀ ਹੋਰ ਲਿਖਤ (ਇਸ ਸਾਇਟ 'ਤੇ): 1
ਲੇਖ ਦੀ ਲੋਕਪ੍ਰਿਅਤਾ ਰਚਨਾ ਵੇਖੀ ਗਈ :367

ਵਿਸ਼ੇ ਨਾਲ ਸਬੰਧਿਤ ਖੋਜ

*ਜਰੂਰੀ: ਸਮਗਰੀ ਪੰਜਾਬੀ ਯੂਨੀਕੋਡ ਵਿੱਚ ਹੀ ਟਾਈਪ ਕਰੋ।

ਪ੍ਰਤਿਬਿੰਬ ਈ-ਪਤ੍ਰਿਕਾ ਨਵੰਬਰ ਅੰਕ

ਵਿਸ਼ਵ ਪੰਜਾਬੀ ਕਾਨਫ਼ਰੰਸ 2017